Arestado ang isang 31-anyos na lalaki sa isinagawang buy-bust operation ng City Police Drug Enforcement Unit (CPDEU) sa Natividad Street, Barangay Pag-asa, Olongapo City, bandang alas-9:30 ng gabi noong Oktubre 10, 2026.

Kinilala ang suspek sa alyas na “Kim,” na kabilang sa High-Value Individual (HVI) list.

Nasamsam sa operasyon ang apat na heat-sealed plastic sachet na naglalaman ng hinihinalang shabu na may kabuuang timbang na humigit-kumulang 4.59 gramo at tinatayang nagkakahalaga ng ₱31,212. Narekober din ang ₱500 na buy-bust money.

Dinala ang suspek at mga nakumpiskang ebidensya sa tanggapan ng CPDEU para sa kaukulang disposisyon at pagsasagawa ng mga kinakailangang proseso.